मी काही पर्याय सुचवतो..
पटतायत का बघा..
🔸️घर बांधले की पूजा घालण्याऐवजी बांधकाम व घरउभारणीकाम केलेल्या सर्व कामगारांना जेवण घालावे.
🔸️घरातील स्त्री गर्भवती झाली तर आजुबाजुला असलेल्या ओळखीच्या व नात्यातील सर्व स्त्रियांना बोलावून सोप्या भाषेत सांगणार्या स्त्री रोग तज्ञ व प्रसुती तज्ञास बोलावून चर्चासत्र ठेवावे.
🔸️बारसे घालण्याऐवजी मानसतज्ञ व बालरोगतज्ञाशी गप्पा व बालसंगोपन-पालकत्व या विषयावर देवाण घेवाणीत दिवस घालवावा.
🔸️पहिल्या पाळीवेळी प्रेम, मैत्री व लग्न या विषयी प्रश्नोत्तरे कार्यक्रम ठेवावा. या साठी मानसतज्ञ व लैंगिक विज्ञान तज्ञ असावेत.
🔸️पहिल्या वीर्योद्भवाचे स्वागत करतेवेळी पुरूषत्व आणि जबाबदार्या याविषयी संप्रेरक तज्ञ व मनोरोग तज्ञ यांच्या मुलाखती व चर्चा घ्याव्यात.
🔸️लग्नाच्या निर्णयाअगोदर नातेसंबंध, वैवाहिक जबाबदार्या आणि समस्या यावर मंथनचर्चा समुपदेशक, कायदा तज्ञ व समाजसेवा वैज्ञानिक यांच्या चर्चेने घ्यावे.
🔸️सर्व वाढदिवस दरवर्षी आधुनिक वैद्यकीय तज्ञाच्या रोग व उपाय या विषयावरील 2 तासांच्या व्याख्यान व प्रश्नोत्तरे घेऊन साजरे करावेत.
🔸️मृत्यू झाल्यावर त्या व्यक्तींच्या आठवणी सांगणार्या सर्वांना सोयीचा दिवस घेऊन सर्वांना मनमोकळे बोलू देऊन जेवण घालावे.
🔸️दर महिन्याला एका वैज्ञानिकाच्या शोधावर आपल्या वाॅर्डात त्याच्या वाढदिवशी वैज्ञानिक शोधाच्या माहितीचा कार्यक्रम घ्यावा.
सर्व कार्यक्रमांचा खर्च वाचवून प्रामाणिक व लोकशाहीवादी सामाजिक संस्थांना दान करावा.
पुजारी, पूजा, विधी, पारायण, इ. सर्व धार्मिक व दैवी कर्मकांडे नाकारावीत.
त्यांचा आयुष्यातील कोणत्याही प्रसंगात शुन्य उपयोग असतो.
जेवण आणि नटणे-थटणे एवढेच न करता हे केले तर जगण्याची दिशा सापडेल.
विवेकवादी होऊ इच्छिणार्यांसाठी ही विवेकी पावले आयुष्य सुसह्य व आनंदी करतील.
- डाॅ. प्रदीप पाटील
No comments:
Post a Comment